وصف لعلاقة اجتماعية مفيش أي حاجة تعوضها ولا تملا مكانها بأي شكل، ولا خروج ولا سهر ولا أصحاب ولا شغل، عشان في الاخر هترجع بيت فاضي ولوحدك.

يمكن تكون زي من اللي بيستمتعوا بالوحدة، بس لازم هييجي وقت في الْيَوْمَتفتقدهم.

مراتك اللي دخلت حياتك عشان ترتبها وتنظمها وتشيل من عليك هم التفكير في حاجات كتير.

ولادك اللي دخلوا حياتك عشان يعملوا دوشة ويسهروك جنبهم ويصحوك م النوم، اللي بيعيطوا وانت ماشي ومتعلقين في ديلك وعايزين يروحوا معاك في كل حتة، اللي بينتظروا رجوعك وبيخلوك تحس احساس ابوك وهو داخل البيت بعد الشغل.

الصباح من أمك ودعواتها ليك اللي بتيجي بعدإصحى يا زفت، فرحها ليك لما تحصلك حاجة حلوة، وحزنها عليك لما تزعل.

دخلة أبوك البيت بالليل، والصلاة معاه يوم الجمعة اللي بيرجع بعدها يطبق كل اللي أتعلَّمه في سنين عمره عشان يعمل فطار الجمعة بنفسه، ويشغل البيت كله بطبق فول وطعميتين، ويحاول في الْيَوْمَ ده يبذل أقصى جهده عشان يعوض اسبوع شغال فيه ومحدش بيشوفه.

أختك الصغيرة اللي مهما رخمت عليها بتداري عليك وبتفرح بأي حاجة هبلة تجيبهالها، ولو كبيرة بتبقى كأنها أمك التانية وتحكيلها كل اللي مبتقدرش تحكيه لأمك.

أخوك الأصغر منك اللي بيسرق هدومك وشراباتك، واللي بيديك أول تدريب ليك عشان تبقى أب، ولو أكبر منك فهو الأب والصاحب والاخ اللي في ضهرك.

العقد ده انت جزء منه، أي تفريط منك او من حد فيه يعني انفراطه، حافظ عليه بإيدك وسنانك وعلم ولادك ان العيلة أهم حاجة في الدنيا.

انت هدية ليهم زي ما هم هدية ليك.

———–

متنسوش تتابعوا انستجرام Walliy.T

وتشتركوا في يوتيوب

http://www.youtube.com/WalidTaha

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s