أحلى حاجة عملتها السوشيال الميديا في رأي، بعد تطوير التواصل بين البني آدمين، إنها أظهرت الوجه الحقيقي للبني آدمين دول، الوجه اللي كان مستخبي في الأدمغة وبيتطبق في صمت في البيوت والشوارع ومحدش كان بيتكلم عنه.

وجه كله عنف وحسد وحقد وكره وتخلف ورجعية وتطرف وتعصب، وجه مقيت وأسود بيفسر كل حاجة وحشة بتحصل في البلد دي من قاعدة الهرم لقمته!

وجه لا فيه “حضارة سبعتلاف سنة” ولا “اجدع شعب” ولا “أخف دم” ولا “ابن نكتة”، هو ممكن يكون ابن اي حاجة تانية غير موضوع النكتة ده خالص.

وجه بيتاجر بأي حاجة، أحلام، خوف، أرواح، دين، مرض، حتى الهرمونات ظهرلها تجار!

وجه بيكره أي حد معارض ليه، وما بيضيعش فرصه عشان يسب ويصب لعناته على كل واي حد غيره.

المشكلة ان الوجه الغبي الجاهل البغيض ده، أصحابه عندهم شجاعة مش موجودة عند العاقلين او اللي بيفهموا، وبالتالي صوتهم اعلى من اي واحد بيفهم، ده غير ان عندهم قدرة ع التجمع والتكتل والالتفاف حوالين واحد او شيء بيستغل جهلهم لمصالحه او هو نفسه ميقلش جهل وغباء عنهم، والحاجات دي مش موجودة عند اللي بيفهم او عنده علم.

في وجود تكتل واحد من الاغبياء دول بس في مجتمع سوي، بيعطله لا محالة، تخيل بقى لما يبقى عندك مجتمع عبارة عم مزرعة تجمعات وتكتلات اغبى من الأميبا، هيحصله ايه!!!

طبعا هيحصله اللي احنا فيه، إهمال، لامبالاة، حوادث بيموت فيها العشرات، عنصرية، حقد، حسد، كراهية وحاجات كتير قوي بتظهر من بوست على السوشيال ميديا والردود عليه، عشان الجاهل جبان وبيستمتع بالقناع اللي بيلبسه ع السوشيال ميديا، ويسب ويلعن ويعلن عن وجهه البغيض المريض براحته لمجرد انه عارف ان محدش هيعرف يوصله.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s