الفترة الأخيرة شوفت أسئلة كتير في التعليقات ووصلني شوية برضه من نوع “أحدد إزاي الحاجة اللي تناسبني؟”، “أبدأ منين؟”، “إزاي”.

قبل أي حاجة، لازم تنسى شغل “إديني الزتونة” و”عايز الملخص” وإنك تقرا سطرين في الأول وسطرين في الآخر، لو بتعمل الحاجات دي… غيرها وتعالى إقرا، أو خلي البوست ده بداية التغيير، وإقرا للآخر، لازم تقرا وانت بتقرا!!

وتاني حاجة فككوا من العيال “المُحبَطين” المُحبِطين” اللي ماللين الدنيا بوستات تريقة وهجوم غير مبرر على محاولة ناس كتير في إنهم ينشروا علم أو معرفة، أو بيألشوا على أي حاجة في العموم وكأننا تحولنا لحاجة غير البني آدمين، بنسف على أي حاجة من غير تمييز.

مش عارف إزاي هقدر أفيد اللي سألوا في موضوع “تحديد الحاجة اللي تناسبهم”، بس ممكن أتكلم عن نفسي وعملت إيه، يمكن تفيد حد منكوا أو من اللي سألوا، بس هو في العموم اللي انت عايز تعرفه موجود حواليك، بتتكلم فيه كل يوم مع أصحابك وزمايلك في الشغل وبتقرا عنه في الجرايد وفي الكتب وعلى فيسبوك ومع ذلك إنت عامل نفسك مش شايفه أو “مستهيفه” أو ممكن رأي اللي حواليك مأثر عليك فبتتجاهله. إنت صاحي ع الأقل 14 ساعة كل يوم متستقلش باللي بتعمله مهما كان رأي أي حد فيه أو حتى رأيك إنت فيه، لو فيه حاجة بتكررها كل يوم أكيد يبقى بتحبها حتى لو بتروح جيم أو بتحب تاكل أو تقرا ميكي وسمير.

حتى لو اللي بتعمله ده عبارة عن “قراية بس”، يعني بتقرا كتب وروايات بس، الهواية دي لوحدها ممكن يطلع منها حاجات كتير قوي زي مثلا التلخيص “تعمل موقع تلخص فيه الكتب اللي قريتها”، المراجعة “تعمل موقع تقول رأيك في الكتب اللي قريتها”، الترشيحات “تعمل موقع ترشح فيه الكتب اللي قريتها وتصنفها”، الكتابة “تكتب عن اللي استفدته من كل كتاب قريته”، ممكن تعمل كل الكلام ده في فيديوهات وتنزلها على يوتيوب.

دي هواية واحدة بس، وغيرها في الموسيقى والأفلام وأي مجال تاني مهما كان حتى لو بتحب تقرا الأخبار الصبح/ ممكن تعمل منه حاجة بتحبها وتكسب منها برضه، وفيه نماذج كتير قوي لناس عملوا حاجات زي دي ونجحوا جدا!

يعني مثلا أنا مش موهوب واتكلمت عن الموضوع ده هنـــــا  ومن وأنا صغير وأنا مجنون قراية، كنت بقرا أي حاجة في أي حاجة بتتكلم في أي مجال لأي حد من غير تمييز ولا تنقية، وده فادني كتير قوي بعدين في إني أعرف إيه المجالات اللي بحب أقرى فيها أكتر وبدأت أركز فيها، واللي مع الوقت عملتها تصفيات تانية وبدأت أركز على أكثرهم قربا لي. زي مثلا التكنولوجيا والعلوم وعلم الاجتماع والتاريخ.

زي ما قولت كذا مرة أنا علمت نفسي بنفسي كل حاجة تقريبا أعرفها، لغة، تصميم، سوشيال ميديا وأونلاين ماركتنج، وشوية برمجة ع الخفيف، والتصوير ودول كانوا أقرب حاجة لدماغي وقررت أتعلمهم لإني بحبهم، وشايف نفسي فيهم.

لما قررت أشتغل حاجة بحبها عملت List فيها تقييم للحاجات دي ( درجة الإجادة – السوق بتاعها – الدخل) ومن التقييم ده قدرت أحدد هشتغل إيه فيهم بدوام كامل فقررت أنمي فيه معرفتي وخبرتي وفعلا اشتغلت Community Manager للشرق الأوسط لواحد من أكبر محركات بحث السفر يمكن في العالم (WEGO), وعملت معاهم شغل كويس قوي لفترة مش قليلة ومش بسيطة لإنها كانت فترة إعداد مكتب الشرق الأوسط للشركة.

في الوقت نفسه كنت شغال Freelancer في الحاجات التانية اللي بحبها جنب شغلي الأساسي.

في اللينك ده هتلاقي وصف تفصيلي أكتر للي عملته 😀

اللي هعمله هنا بعد الكلام ده اللي يارب يكون ساعدكوا شوية هحط لينكات لكام بوست شايفهم مهمين وهايساعدوك إنك تحدد وتبدأ.

– طبعا كله عارف إني مش مقتنع بالتنمية البشرية واللي عندنا خالص ولا اللي شغالينها ولا كمان بالبرمجة اللغوية العصبية والسرنديب والتيت والشريط، وإن التنمية البشرية بالنسبة لي ( كتاب، فيلم، أغنية) أو أي حاجة بتزود معرفتي ولو بكلمة.

في البوست ده فيه شوية مصادر “للمعرفة” هتتعلم منها كتير قوي:

– طيب أبدأ آخد خبرة إزاي في حاجة لسه بتعلمها؟ … يبقى حضرتك تبدأ Freelancing، في اللينك ده بوست عن العمل الحر، إن شاء الله هيساعدك:

– حاسس إنك كبرت، واللي حواليك بيحبطوك، حاول تقرا البوست ده يمكن يغير حاجة:

من فترة نشرت بوست طلبت فيه أغاني أسمعها واتسألت في التعليقات عن #تنظيم_الوقت، وإزاي بشتغل وأقرا واكتب وأعمل البحث اللي بحتاجه للكتابة وأتابع الجديد ولو عندي كورس بخلصه كمان، في نفس اليوم اللي فيه ناس مش مكفيها يهرشوا “أو بيتهيألهم كده” لا وكمان عندي وقت أسمع مزيكا، وأتفرج على أفلام.

الموضوع بسيط، التوازي و30/3…

نعم؟؟

التوازي ده إني بعمل حاجة ممتدة طول اليوم بجانب أي حاجة تانية، المزيكا شغالة طول اليوم، والبحث برضه طول اليوم بحكم شغلي وبحكم إني ببقى عايز أعرف الجديد فببحث أكتر وأقرا أكتر، يعني من كام يوم قريت دراسة 300 صفحة عشان أطلع منه كام معلومة مهمة لشغلي، وطبعا استفدت شخصيا من الدراسة دي.

فكده لو بصيت للفقرة اللي فوق ده، فأنا حليت جزء كبير، بسمع مزيكا وبقرأ وببحث وبشتغل، في نفس الوقت.

بس إمتى بكتب الحاجات الخاصة بيا على فيسبوك أو أي موقع بدون فيه؟

الإجابة في كلام كتبته في 2015 وزي ما نفعني هينفع ناس كتير قوي فاكرين إن معندهمش وقت، وفي نفس الوقت يقولك :“بضيع وقت”، الحل مش في تنظيم الوقت، الحل في تخصيص الوقت والالتزام بيه لفترة عشان تتعود ويبقى عادة ملازماك.

الطريقة اللي أنا بستخدمها مديها إسم (30/3) …

تقريبا كده أنا عايش هنا ع البروفايل ده وع الإنترنت عامة، باكل وبشرب وبفكر وأهري عليه، وبقالي فترة كبيرة كده.

من 4 سنين كده .. لقيت نفسي مبعملش حاجة على فيسبوك غير إني فاتحه أتفرج وأكتب أي ألش وأسف ع البني آدمين، ولو على موقع تاني فبفتح مواقع لا تُغني ولا تُسمن من جوع، ولإني مش هقدر ما ابقاش أونلاين (إدمان) وكان فيه فترات بتعدي مبعملش حاجة غير إني متنح للشاشة، فقررت وقتها أعمل حاجة مفيدة، ومن غير ترتيب كده أول ما أحس إني متنح للشاشة .. أروح داخل مدور عن أي حاجة أقراها أو أفصل خالص وما أعملش حاجة (ده مفيد جدا على فكرة).

قعدت أدور أونلاين على أفكار شبه دي، لقيت فيه ناس كتير بيعملوا حاجات مشابهة زي 30/30 اللي هي يشتغل نص ساعة ويقفل عينه 30 ثانية مثلا، وفيه حتى 15/1 ده مخصص ساعة من يومه إنه يعمل حاجة جديدة أو اي حاجة تيجي على باله حتى لو ينزل يتمشى.

أنا خليتها، 3/30، وبقيت كل 3 ساعات أعمل نص ساعة لأي حاجة، أتفرج على فيديو، أقرا مقال جديد، أشوف أي كورس على Udemy  من اللي هي ساعة دي وأخلص نصه كده يعني، وبعدين بقيت ادور ع الحاجات اللي تتعمل في نص ساعة، وأنتجت وأنجزت كتير جدا والله في الكام سنة دول، إتعلمت كتير قوي وحاجات مكنتش أتخيل إني أخلصها خلصت.. زي مثلاً:

1- تتعلم حاجة جديدة زي ما قولت على مواقع الكورسات المجانية، اللينك ده فيه كمية مواقع كتير في كل المجالات اللي ممكن تتخيلوها.

https://goo.gl/opPhC8

2- إتفرج على فيديوهات مفيدة على:

TED.com

http://www.ted.com/

Academic Earth

http://academicearth.org/

ويوتيوب طبعا

أو شوف المواقع دي:

الموقع الأول هو TED أو #تيد اللي هي إختصار “technology, entertainment and design”.

الموقع ده بيضم فيديوهات بتاعت مؤتمرات علمية ومحاضرات تحت نفس الإسم وبتتنظم في أماكن كتير في العالم.

كل فيديو ع الموقع ده مفيد… وفيه أسماء كبيرة قوي شاركت فيه.

ده لينك المحاضرات مترجمة عربي

https://www.ted.com/talks?language=ar

الموقع التاني Quora …. لو عندك سؤال محتاج إجابته أو حتى عايز تتابع إجابات ناس متخصصين في مجالات كتير على أسئلة الناس … أو لو إنت أصلا تقدر تجاوب وتساعد الناس بخبرتك .. .يبقى الموقع ده مكانك.

https://www.quora.com/

الموقع التالت هو Reddit

وده موقع أقرب للمنتديات بتاعت زمان بس شغل عالي قوي وقريب شوية من Quora بس بطريقة أبسط كتير… هتلاقي عليه كل حاجة وأي حاجة تتخيلها وشرحها.

https://www.reddit.com/

الموقع الرابع للناس اللي بيحبوا الوثائقيات… ده موقع إسمه DocumentaryStorm مئات الأقلام الوثائقية.. أكيد هتلاقي الحاجة اللي تهمك.

http://documentarystorm.com/

الموقع الخامس وثائقي برضه إسمه Documentary Heaven

http://documentaryheaven.com/

الموقع السادس HISTORY .. وده إسمه باين> لو بتحب التاريخ فده مكانك.

http://www.history.com/

3- إقرا كتاب جديد

هنا فيه كنز كتب مجانية ومش مجانية: https://goo.gl/sR2NmW

4- إعمل قائمة بالحاجات اللي نفسك تعملها ومش عارف تعملها لأي سبب، وكل ما تيجي النص ساعة بتاعتك إعمل منها ولو جزء، أي حاجة ولو حتى عايز تجري حافي في الشارع، المهم إنها حاجة نفسك تعملها، أو ساعد مراتك في مشروع بتعمله أو إنتي ساعديه في مشروع بيعمله كده يعني، حاجة حرة من غير قيود.

55- مفيش حد يعرف كل حاجة وساعات بنبقى بنبص على حاجات معمولة بالخشب أو مرسومة وبتعجبنا جدا بس مش عارفين تتعمل إزاي ولا نبدأ منين، أو إزاي تقلي بطاطس في المايكروويف مثلا أو تقشر بطاطس بالشنيور.

هنا هتلاقي دروس مفيدة قوي لـ DIY Do it yourself

http://www.diynetwork.com/

http://www.instructables.com/

http://www.doityourself.com/

https://www.duolingo.com/

6- عندك 5000 فكرة ومش عارف تفكر فيهم ولا ترتبهم علشان تطلع بنتيجة؟ سهلة، في النص ساعة بتاعتك تقدر تدخل على المواقع دي وتكتب أفكارك وترتبها … وتشوفها قدام عينيك فتقدر تنجز منها اللي تقدر عليه، كأنه Brainstorming بس مع نفسك.

https://bubbl.us/

https://www.mindomo.com/

https://www.mindmeister.com/

7- حتة إنسانية بقى، كلم قريبك، صاحبك، أهلك، اي حد بقالك كتير مكلمتوش وإتطمن عليه، الإحساس بعدها مريح جدا، أو كلم حد إنت عارف إنه بيخليك تضحك وقعدته بتبسطك وبتغير مزاجك.

8- إدخل هنا وجاوب ع الأسئلة دي في ورقة بصراحة طبعا

http://goo.gl/JByAyl

http://goo.gl/mbBPiJ

http://goo.gl/UKRJLl

http://thoughtquestions.com/

9- إتعلم لغة جديدة إديها كل يوم نص ساعة من وقتك

إنجليزي: https://www.facebook.com/WTahaM/posts/1865692490379913

فرنساوي: http://alison.com/subjects/69/French-Language-Skills

أي لغة: https://www.duolingo.com/

10- إعمل خير، أي خير فيه مواقع كتير بتوصل فلوس وتبرعات لناس محتاجين في دول بعيدة، أو شوف موقع من المواقع اللي بتدعم المشاريع الجديدة ونقي مشروع وإتبرعله، إملا إزازة ميه ساقعة وإنزل الشارع شرب حد من العمال اللي شغالين، أي خير.

11- إلعب ضغط  😀 أه … إلعب ضغط، وجري دمك كده إجري في مكانك أقف على راسك، المهم حرك نفسك، مهم قوي إنك تتحرك كل فترة ومتفضلش قاعد.

12- هنا فيه قايمة بـ25 حاجة تانية ممكن تتعمل في 30 دقيقة

http://bemorewithless.com/30orless/

وهنا كمان حاجات ممكن تعملها في نص ساعة

http://goo.gl/8ZsXUU

13- إتعلم الطبخ:

صفحة Tasty

https://www.facebook.com/buzzfeedtasty

وصفحة Proper Tasty

https://www.facebook.com/buzzfeedpropertasty

وصفحة Tasty Demais

https://www.facebook.com/tastydemais

14- إتعلم رقص:

https://www.youtube.com/user/mihrantv

https://www.youtube.com/user/JamTimeDanceTV/videos

https://www.youtube.com/user/DanceClassVideo

https://www.youtube.com/user/HowToDanceForMen

https://www.youtube.com/user/ClubDanceLessons

https://www.youtube.com/user/tiazzawilson

https://www.youtube.com/channel/UCJocFkcjtckDFPGQIhsGSMA

https://www.youtube.com/user/DanceLouisville

https://www.youtube.com/channel/UC5OrINux1uiua_JsXlBEqLQ

https://www.youtube.com/channel/UCL68kTtlLgCBRaL_vC2lDPA

15- إتعلم مزيكا

-بيانو

https://www.youtube.com/user/PianoMalayalam

– جيتار

https://www.youtube.com/user/beefcakejcc

– درامز

https://www.youtube.com/user/freedrumlessons

– وهنا شرح Music Theory

**تحديث**

– الموقع ده عظيم :http://spectrum.ieee.org/

– وده أعظم  😀 http://www.iflscience.com/

– إتعلم حاجة جديدة: http://www.iflscience.com/

– القناة دي بتفهمك حاجات فيزيائية ببساطة قوي: https://www.youtube.com/channel/UCUHW94eEFW7hkUMVaZz4eDg

– الصفحة دي بتنزل Internshipss تابعوهاhttps://www.facebook.com/eduinfoupdates

– نرجع للمواقع العظيمة وده منهم: http://www.worldscienceu.com/

**

كل الحكاية تخصيص مش تنظيم… 30 دقيقة كل 3 ساعات، هيغيروك كتير… جرب!

واللي يعرف موقع جديد.. يكتبه في تعليق.

الكلام ده مش قانون، ومش لازم تمشي على 3/30، بس استغلك وقتك الفاضي بأي شكل، وقتها هتتعلم كتير وأكيد هتعرف عايز إيه.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s