“جهلك بالشئ لا ينفي وجوده”
حاجة زي القانون كده، عدم معرفتك بيه مش معناها انك لو خالفته مش هيتطبق عليك، وده يستوجب بحثك قبل اعتراضك على معلومة جديدة .

لما بنشر حاجة هنا، بكون عملت عليها بحث كويس قوي، وما بكتفيش بالموقع الاخباري، بروح أدور على أصل القصة فين (مؤسسة، شركة، وكالة….)، عشان اضمن اني اكتب حاجة ما تضللش حد، وبدل ما أبقى مصدر معرفة ليك أبقى مصدر للتجهيل ونشر الأساطير.

ليه أوقات ما بنشرش المصادر غير متأخر، عشان أخليك تطبق اول حاجة اتكلمت فيها “البحث” وأنك تروح بنفسك تدور ع المعلومة وتتأكد من صحتها وتتعلم تدور زي ما انا اتعلمت، بدل ما تكتفي بالخلاصة والزتونة، وتبقى معرفتك كلها سطحية .

بعمل كده ليه؟ وليه بنشر الكلام ده؟
عشان عايز الناس تخرج من القوقعة بتاعت سبعتلاف سنة، وتعرف اننا قدامنا كتير، وأفيد اي حد حتى لو معرفوش.

وعشان انا شخصيا عانيت من “الحرمان المعرفي” ده، لأسباب كتير، أولها البخل وياما سمعت جملة “مفيش حاجة ببلاش”، عشان كده قررت أوصل اي حاجة اعرفها لأكبر قدر ممكن من الناس، وأوقات كتير بعمل اعلان بفلوس لبوست عشان يوصل وينفع الناس.

ولو بدور على لايك ولا فولو، اقدر اجيب اكتر من ده كتير، بمواضيع تانية واتجاهات تانية اسهل وأخف، وكله شايف ان عدد الفولورز لا يتناسب مع عدد الناس اللي بتتفاعل، بس ده مش مهم اصلا، لو ١٠ استفادوا .. شكرا كده انا عملت اللي عايزه.

أهميتي عند “نفسي” مش تمنها لايك ولا فولو ولا شير، قيمتي فعلا بشوفها لما حد يبعتلي ويقولي انا بدأت وعملت بسببك.

دور واعرف وما تستسهلش.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s