البوست ده مهم للناس اللي جايين #الإمارات يدوروا على شغل، إقرا للآخر مش هتخسر حاجة، ولو مش محتاجه، وصله لغيرك.
**
قبل ما نبدأ:
1- أنا مش شغال في التوظيف خالص، أنا بس بجمع معلومات وبنشرها تنفع الناس، لكن انا مبشغلش ومعنديش اي علاقات تساعدك اكتر من البوست ده.
 
2- الأحسن علشان تلاقي شغل في الإمارات (أو أي بلد) إنك تكون موجود في البلد، لكن فيه ساعات شركات بتعمل مقابلات في مصر، ودي قليلة بس موجودة.
 
3- أي إستغلال مادي مقابل وظيفة هنا مرفوض وغير قانوني، او حد يقولك أي مبلغ لأي سبب متسمعلوش.
**
 
قدمت على شغل كتير قوي .. وعملت Interviews مع ناس كتير معرفش أفتكر عددهم .. وجيت في فترة كنت ببعت ٣٠٠ Email في اليوم بالـCV بتاعي .. 😀 ..يعني إتشحورت في القصة دي .. فإسمع مني .. عجبك الكلام .. إعمل بيه وباصيه لغيرك .. معجبكش ،، إرميه البحر وكأنك ما شوفتش البوست أصلا 🙂
**
 
أولا لازم الـCV يكون معاه Cover Letter .. إيه ياعم البتاع ده؟
باختصار الcover letter ده هو مقال في شكل جواب بتكتبه عن نفسك توضح فيه ليه انت الشخص المناسب للشغل ده ؟ بمعني تاني ايه اللي يخلي الشركة تقبلك او تفضلك عن واحد تاني مقدم؟
**
مش معنى إنه جواب .. تحكيله قصة حياتك وتكتب حاجات مالهاش دعوة بالوظيف.. لازم يكون مرتبط بالوظيفة… وابتعد فيه عن الشكر الزايد للي إنت باعتله الإميل، هو معملش حاجة أصلا، كمان متنقلش كلام من الإنترنت ممكن تاخد فكرة وتكتبها تاني بطريقتك علشان ما يبانش إنك ما بذلتش مجهود حتى في الـCV بتاعك.
**
 
ثانيا الـCV
١- مفيش CV بالعربي (إلا في حالات خاصة).
 
٢- متألفش .. وما تكتبش حاجة متعرفهاش .. شكلك هيبقى وحش.
 
٣- لازم تكون فاهم كل كلمة كاتبها في الـCV متضمنش يجيلك سؤال منين .. فيه بيسألوا عن وظيفة واحدة بس.
 
٤- مفيش CV بالعربي (إلا في حالات خاصة).
 
٥- الأفضل يكون PDF بلاش Word .
 
٦- لو Graphic Designer أو UI/UX Designers إستعرض بقى وبين قدراتك.
٧- لازم الـCV يكون Up-to-date يعني آخر وظيفة .. والـobjective بتاع الوظيفة اللي متقدملها.
 
٨- مفيش CV بالعربي (إلا في حالات خاصة).
 
٩- مش لازم تكتب بياناتك فوق بـFont ٣٦ مش يافطة بقالة الأمانة هي ، خلي العناوين ١٤ واللي تحتها ١٢.. خليه بسيط.. والصورة مش إعلان سيجنال٢.
 
١٠- مفيش CV بالعربي (إلا في حالات خاصة).
 
**
ثالثا الإنترفيو
١- قبل ما تروح إقرا عن الشركة كويس .. إدخل الموقع وروح على About إحفظه، وعلى Google شوف أخبار عنها.
 
٢- إفتكر إن الـInterview مش إمتحان ومش تحقيق .. إنت رايح تقابل ناس وتقولهم إنت أحسن من غيرك ليه .. يعني إتكلم وإسأل في آخر المقابلة إنت كمان من غير تعالي ولا إستعراض.
 
٣- كل الموجودين في الـInterview مهمين .. متوجهش كلامك لواحد بس.
**
دي أماكن ممكن تقدم فيها (لو طالبين) يعني لو مش طالبين اللي انت بتدور عليه متبعتش تقول انا بدور (محدش بيبص ع الاميلات دي)، وكمان هتلاقي مواقع هتساعدك تدور ع الشركات.
 
– “دبي ميديا سيتي”
دي جنب إنترنت سيتي على طول، تقريبا 5 دقايق، ودي بقى مكان لتجمع المؤسسات الإعلامية، هتلاقي هناك CNN وهتلاقي MBC والعربية، وغيرها من الأسماء الكبيرة في الإعلام والميديا، وبرضه شركات تكنولوجيا.
ميديا سيتي وإنترنت سيتي .. تحت حاجة إسمها “تي كوم”، دي بقى تحتها أماكن كتير قوي زي:
‏Dubai Media City
‏Dubai Outsource Zone
‏Dubai Studio City
‏Dubai International Media Production Zone
‏Dubai Knowledge Village
‏Dubai International Academic City
‏Dubaiotech
‏Enpark
‏Dubai Industrial City
ده الموقع اللي عليه بيانات الشركات، هتدخل تكتب إسم الشركة أو تدور بالمجال اللي يناسبك، ومنه تروح على موقع الشركة، ولما تدخل هتعرف إذا كان فيه وظايف متاحة عندهم ولا لأ.
‏http://www.tecomdirectory.com/
**
 
– “مدينة دبي للإنترنت” (دبي إنترنت سيتي)
مدينة دبي للإنترنت واحدة من أكبر التجمعات للشركات العالمية زي Dell وHP وIntel و Microsoft وغيرها من الشركات الكبيرة زي فيسبوك ولينكد إن وجوجل.
المدينة عندها موقع جامد قوي موجود فيه بيانات كل الشركات دي، بس الموقع دلوقتي بيتحدث، يعني أصبر عليه كام يوم..
‏http://www.dubaiinternetcity.com/
**
 
– تالت حاجة “مركز دبي المالي العالمي”
باين من إسمه..
ده دليل الشركات
‏https://www.difc.ae/public-register
ودي وظايف في المركز نفسه
‏https://www.difc.ae/careers
**
 
– مدينة دبي الطبية
برضه مش هطول في الشرح .. باين من إسمها
ده الموقع http://www.dhcc.ae/ وبعدين هتدخل على Find a Doctor, Clinic or Business
**
 
– موقع Index UAE إعتبره محرك بحث للإمارات، هتلاقي عليه الشركات اللي بتدور عليها، في أي حتة في الإمارات.
‏http://www.indexuae.com/
**
 
– موقع AMIinfo .. موقع كويس قوي برضه، دليل تاني لشركات الإمارات ويعتبر من أقوي المواقع، وده اللينك بتاعه
‏http://ameinfo.com/
———————————————————
الجزء التاني، مواقع التوظيف، ودي المواقع اللي الشركات بيعلنوا عن الوظايف عليها، وإنت بتعمل بروفايل (زي فيسبوك كده) عليه كل معلوماتك وتاريخك الوظيفي.
‏- Bayt
‏http://www.bayt.com/
 
واحد من أكبر مواقع التوظيف، واللي شركات كتير بينزلوا إعلانات الوظايف عليها، زي ما قولت هتعمل بروفايل وتنطلق.
مواقع تانية:
‏- Monster Gulf
‏http://www.monstergulf.com/
 
‏- Career Dubai
‏http://www.careerdubai.net/
 
‏- Gulf Talent
‏http://www.gulftalent.com/
‏- eFinancial Careers
‏http://www.efinancialcareers-gulf.com/
 
‏- Recruit Gulf
‏http://www.recruitgulf.com/
 
‏- Arabian Business
‏http://www.arabianbusiness.com/
 
‏- Gulf Jobs Market
‏http://www.gulfjobsmarket.com/
 
‏- LinkedIn
‏https://www.linkedin.com/
 
– وأخيرا موقع Dubizzle .. وده مش شغل بس، ده عليه كل حاجة، سكن، عربية، أجهزة منزلية، أي حاجة هتحتاجها لما تسافر.
‏http://uae.dubizzle.com/
 
**
 
لو عايز تشتغل Freelance #مستقل .. شوف البوست ده وإفتح كل اللينكات اللي فيه:
‏https://www.facebook.com/WTahaM/posts/1784667438482419
**
– المواقع دي هتساعدك تعمل CV كويس:
‏https://www.canva.com/create/resumes/
‏https://www.easel.ly/
‏https://www.kickresume.com/
‏http://vizualize.me/
‏https://cvmkr.com/
‏https://www.myperfectresume.com/
‏http://kinzaa.com/
‏http://resumup.com/
‏https://www.connectcv.com/
دول 413 سيرة ذاتية CV جاهزة احترافية للتعديل عليها
‏http://www.astucestopo.net/2016/08/413-cv.html
 
<لو أي حد عنده معلومة او حاجة يقدر يفيد بيها .. ياريت يكتبها في تعليق، وانا هزودها ع البوست 🙂 >
بالتوفيق للجميع.
اخر نصيحة “اللغة، اللغة، اللغة، اللغة …….. صدى صوت اللغة 😃
‏Happy Job Hunting Folks, And May the Odds Be Ever In Your Favor 😀
Advertisements

1 Comment »

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s