من أول ما صورت الصورة دي https://goo.gl/2AjI3v وأنا بقيت أقرأ أكتر عن الفضاء والنجوم والأنظمة التانية اللي أغلبنا منعرفش عنها حاجة.

الصورة اللي ع اليمين ده “سديم النسر” (Eagle Nebula) وده جزء من “كوكبة الترس” (constellation Scutum)، الصورة اللي في النص واحد مكن أعمدة الغبار في السديم واللي فيه منها بيوصل طولها لـ9 سنوات ضوئية.

الصورة اللي ع الشمال ده إسمه “أعمدة الخلق”، “بتتكون” جواه النجوم ودي برضه أعمدة غبار “بتتكون وتتولد جواها النجوم”. شوف مكان “كوكبة الترس” هنا: http://goo.gl/qUGfuh (النقط الحمرا دي .. نجوم إتولدت حديثا) .

“أعمدة الخلق” بتبعد عننا تقريبا 7000 سنة ضوئية، والأعمدة بتاعتها بتتكون من جزيئات الهيدروجين والغبار البارده، وطول العمود اللي ع الشمال ده 4 سنين ضوئية، والأجزاء الصغيرة اللي في أخره دي… أكبر من مجموعتنا الشمسية.

النجوم بتتولد من تجمعات الغاز والغبار اللي جوا السديم، بتتكاثف الاجزاء دي بتأثير جاذبيتها وبتتكتل وتبقى نجم، أثناء التكتل والانكماش اللي بيحصل الغازات (هيدروجين وهيليوم) حرارتها بتزيد قوي لغاية ما توصل لحالة إسمها “بلازما”، وبرضه بيستمر النجم ينكمش بفعل جاذبية أجزاءه وتفضل الحرارة تزيد أكتر لغاية ما يوصل لمرحلة الاندماج النووي اللي بيطلع منه طاقة كبيرة جدااااااااااااااااااااااااااااااااااااااااا !!! تنور النجم .. ويتولد.

الصورة دي من ناسا بتوضح الكلام اللي قولته https://goo.gl/tMeqNz والصورة دي مقارنة بين حجم شمسنا أثناء التكوين ولما وصلت للصورة النهائية اللي إحنا شايفنها دلوقتي https://goo.gl/jgwZ6u .

*السديم شرحته في البوست اللي قبل ده.. الكوكبة بقى دي تجمع لمجموعة نجوم بيكونوا “شبه” صورة في السما … زي مجموعة الدب الأكبر ومجموعة الدب الأصغر، وذات الكرسي والتنين.

 

——————-

أخر حاجة بقى .. لو معجب بالصور دي… موقع “هابل” بيفورلك إمكانية طباعتها بحجم صغير أو بحجم كبير قوي اللي هو ممكن يتحط على حيطة كاملة 😀

ده لينك للأحجام الصغيرة

http://hubblesite.org/gallery/printshop/

وده لينك الأحجام الكبيرة

http://hubblesite.org/gallery/wall_murals/

الصور عظيمة قوي زيادة عن اللزوم 😀 هتعجبكوا!

 

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s