اليومين اللي فاتوا كان فيهم مؤتمر فيسبوك للمطورين F8، واللي طبعا أعلن فيه فيسبوك عن تحديثات وخدمات جديدة، كلها بتقول إن فيسبوك “كشركة” مش هتروح في حتة، بل إنها هتكبر قوي ومش بعيد تبقى أكبر الشركات في مجالها أو بمعنى أصح في مجالاتها “اللي بقوا كتير قوي”.

مبدئياً، فيسبوك تمتلك التطبيقات الأكثر تحميلا على أندرويد وآي أو إس، بالترتيب (واتس آب، فيسبوك، ماسنجر، إنستجرام)، ده غير إن إنستجرام وماسنجر تقريباً قتلوا سنابشات، بعد ما الـStories في إنستجرام لوحده وصل عدد مستخدميها 200 مليون في 8 شهور بس، ده غير إن اللي استخدموها في 2017 بس، بيساوي اللي استخدموا سنابشات في 2016 كلها!

فيسبوك أعلنت عن:

  • منصة “كاميرا” واللي متوجه لـ”الواقع المعزز” Augmented Reality بشكل كامل، واللي هتدي مستخدميها ميزات زي اللعب في البيئة المحيطة بيهم أو مثلا تسيب Note لصاحبك اللي استنيته في المول ع الحيطة ولما هو يوصل يقدر يشوفها بتوجيه الكاميرا على المكان فيعرف إنك روحت الحمام .. مثلا! ده غير المؤثرات والإضافات اللي ممكن تدخلها على صورك وفيديوهاتك.

  • منصة التواصل Spaces، ودي بقى يا معلمين منصة تواصل اجتماعي برضه، بس عن طريق الواقع الافتراضي Virtual Reality أو VR، واللي هتستخدم فيها (طبعاً) النضارة العظيمة Oculus عشان تقدر تعمل شات مع أي حد وكأنك قاعد معاه، ده حتى هتقدروا تلعبوا أو تزوروا أماكن معينة وتاخدو سيلفي فيها وإنتوا أصلا متحركتوش من مكانكوا ولا إتقابلتوا حتى، التطبيق هيعملشخصية كرتونية شبهك (عن طريق صورة بروفايلك) عشان يبقى الموضوع واقعي أكتر.

 

  • ماسنجر، التطبيق ده فيسبوك بيستثمر فيه كتير ومهتم بيه قوي والمطورين كمان داخلين بتقلهم عليه، لدرجة إنهم وصلوا 100 ألف مطور لغاية دلوقتي بيطوروا “بوتات*”، لدرجة إن فيسبوك أعلن إنه هيعمل “متجر” مخصوص للبوتات بس، وهيعمل شريط بحث جوا التطبيق للبحث عنها، فيسبوك كمان هيوفر ميزة قراية كود QR على ماسنجر ده غير إنها هتضيف ميزة الأغاني للتطبيق عن طريق خدمات الموسيقى زي “سبوتيفي” و”آبل ميوزيك” واللي هتقدر من خلالها تشارك المزيكا مع اللي بتتكلم معاه عن طريق ماسنجر، ده غير إن الألعاب هتنزل رسمي على ماسنجر.

facebook-messenger-f8.jpg

  • Workplace، ودي منصة تبع فيسبوك بس للشركات بس، الشركات (زي شركتنا كده) بتعمل حساب لنفسها وحساب لكل موظف في الشركة عشان الموظفين يقدروا يتكلموا بحرية أكتر ويشاركوا حاجات تخص شغلهم وشركتهم، ودي خدمة مدفوعة لغاية دلوقتي، بس فيسبوك هيوفرها مجاناً خلاص وهيبقى فيه خدمات مدفوعة جواها.
  • facebook-workplace-624x353

بس!

وتقدروا ع المؤتمر تتفرجوا هنا:

https://walidzone.com/2017/04/18/f8-conf/

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s