كلام آخر الليل 
 
بعض الناس يموتون في عمر الـ25 لكنهم يدفنون في الـ75
 
اللي قال الكلمتين اللي زي الفل دول هو بنيامين فرانكلين – واحد من أهم وأبرز مؤسسي الولايات المتحدة الأمريكية.
 
ناس كتير قوي بيوصلوا للعمر ده، وأول ما يلاقي نفسه معملش حاجة في حياته، بيفقد أي أمل في إنه يعمل أو يتغير، ويدخل في Mood ملخصه .. “بعد إيه؟!”، أو يتجوز ويدخل في حياة تانية مليانة أعذار من وقت لفلوس لـ “بعد إيه؟!” برضه.. وهو ده الموت اللي يقصده فرانكلين في المقولة القوية دي، اليأس بسرعة وقلة الإصرار، والطموح اللي مش موجود، والخوف، من أي وكل حاجة.
 
محدش Superman أيون .. وكل بني آدم وليه حدوده، بس مش لازم تخليك في الحدود دي، لو ستيفن هوكينج قال دي حدودي بعد ما إتشل.. محدش كان هيعرفه ولا هيسمع عنه، وهيبقى العالم اللي إتشل وتقاعد بدري، والناس هتفتكره بكده بس.
 
ستيفن هوكينج تقريبا دلوقتي حرفيا “جثة”، بقاله سنين بيستعمل عضلة واحدة بس في وشه .. أيوه في وشه .. ألف بيها كتب، وحاضر في الجامعة، وعمل أبحاث.. بعضلة واحدة بس في وشه بيستخدمها للتواصل.
 
مفيش مشلول ولا معاق مفيش أعذار والله لو إنت عايز تعمل وتغير فعلاً، إنت فشلت؟ وإيه يعني؟ إفشل تاني.. وتالت .. النجاح مش سهل، ومش كورس برمجة عصبية نملية هيخليك تبقى آينشتاين.. القراية .. والشغل على نفسك هيعملوا ده.
 
ده موضوع عن هوكينج وجزء من معاناته
 
وممكن طبعا تتفرجوا ع الفيلم اللي بيحكي قصته The Theory of Everything Movie
 
دايماً بنسمع جملة «مفيش مستحيل» وبنقولها كتير.. لكن هل فعلا حد طبقها على نفسه؟ ولا بنخلق أعذار وبنعلق تحولنا لـ«شجر» مبيتحركش على شماعات الوقت والفلوس والسن؟
 
الحاجات اللي بنبقى عايزين نوصلها مُتاحة وموجودة وليها طرق ووسائل نوصلها بيها، بس فيه مشكلة … الأولى إنك ما بتبقاش شايف الطرق والوسائل دي، وعلشان الطرق تظهر، محتاج تطور دايما من نفسك، وتشتغل من دون توقف على كل مهارة متاحة عندك علشان تكبر، وتبقى أحسن من موهوبين «إستسلموا» من أول قلم!
 
حتى بعد الطرق دي ما بتظهر بتظهر فيها عقبات، لازم .. مفيش طريق نجاح سهل ويخلص في كورس ولا كتاب واحد، لازم يحصل كبوات تعطلك، وفشل يحبطك ويخليك تفكر 100 مرة قبل ما تكمل، فيه اللي بيرجع وهو مش عارف إنه قرب قوي، ورجع قبل النهاية بخطوتين، وفيه اللي بيكمل وبيوصل.
 
كل اللي بتقابله ده مش عقبات كبيرة، العقبة الكبرية فعلا، هي ثقافة مجتمعك وعاداته وتقاليده اللي حطها ناس قبلك بسنين، لا يعرفوا إحنا وصلنا لإيه ولا قابلوا الخبرات اللي إحنا بنكتسبها دلوقتي، وتوضيح للكلام ده، إريك شميدت الرئيس التنفيذي السابق لشركة جوجل بيقول إن «من بداية الحضارة ولغاية سنة 2003، البشر أنتجوا 5 إيكسابايت من البيانات(هشرح الإيكسابايت)، ودلوقتي بينتجوا 5 إيكسابايت كل يومين»، **الإكسابايت Exabyte التي تساوي = 1024 بيتابايت petabytes التي تساوي = 1 مليون تيرابايت terabytes** متخيل؟! 🙂
 
مش هقعد أشرح بقى في موضوع الثقافة والعادات والتقاليد، فيه بوستات كتير كتبتها عن الموضوع ده، بس التحرر منها وتغييرها علشان تنفعنا دلوقتي «موضوع لازم».
 
العقبة الكبيرة اللي بتقابلنا هي خوفنا.. وقلقنا وتعلقنا بالماضي أي كان، خبراتنا السابقة بتخلينا نخاف إننا نفشل تاني، مع إن الفشل الحقيقي إنك تبطل تحاول، كل اللي حنا عايشين فيه النهاردة بسبب ناس «حاولوا» وفشلوا مئات المرات، بس مرجعوش واصروا ونجحوا وركبونا عربيات واخترعوا طيارات، عايشين في خير ناس، فشلوا في يوم من الأيام.
 
التعليقات اللي بشوفها عندي اللي شبه “يعني أنا هقرا كل ده؟!” أو واحد يعمل لصاحبه منشن فيرد عليه يقوله “قولي الملخص” فعلا بتأكد كلامي، إحنا رافضين نتعب.. أيوه البيئة المحيطة ليها عامل كبير، وماشاء الله ع البيئة مش عايز أتكلم 😀 … بس الحل بسيط … أخرج منها .. قاعد ليه؟ إتخلقت بني آدم .. مش شجرة.
 
يعني برضه .. العقبة هي إنت.. مش حد تاني.
Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s