إنك تكون مدير أو مسؤول عن فريق دي مسؤولية كبيرة، وخصوصاً لو كان شغلك الخاص، وعلشان تحقق ده لازم تكون على تواصل دايم مع فريقك والناس اللي شغالين معاك، من غير التواصل والتقدير المتبادل، مش هيبقى فيه ولاء للفكرة بتاعتك ومش هيدوك كل اللي إنت مستنيه، وعلشان توصل لده لازم إنت كمان تطور من نفسك باستمرار.

* *

جون ماكسويل بيقول “إن الشغل بتاعك مش هيعلى عن مستواك أبدا، فلو مستوى نجاح الشغل بيتقاس من 11-10 وإنت مستواك 4، هيبقى مستوى شغلك 3، وعلشان تعلي مستوى شغلك يبقى لازم تطور من نفسك الأول”.

إزاي تغير نفسك؟

– إتأقلم مع التغيير بدل ما تخاف منه:

مع التقدم التكنولوجي السريع حوالينا، أحسن لك إنك تتعلم الجديد وتتابعه، بدل ما تخاف منه وتتشائم أوتتجاهله، وبعدين تسأل نفسك إيه سبب إنك ما بتتقدمش، كتير مننا ميعرفوش مباديء لغات البرمجة، المباديء بس مش بقولك تبقى مبرمج بكرة، محدش يعرف يعني إيه SEO.. أو AI.. إقرا واتعلم وتأقلم، تنجح.

* *

– إتمنى النجاح لغيرك وساعده بدل ما تتمنى فشله:

إنك تساعد الناس وتتطوع لتعليمهم إحساس كويس قوي، بس كمان هينمى عندك مهارات كتير زي المناقشة وإنك تدرب على توضيح رأيك ووجهة نظرك وترتبه، وهيشجعك ع البحث زيادة، علشان لما تتسأل تعرف تجاوب، بالإضافة إن ثقة الناس فيك وإنك تلاقي نفسك مشارك في نجاح حد هتنمي ثقتك في نفسك.

* *

– تتحمل مسؤولية أخطاءك بدل ما تعلقها على شماعات غيرك:

لومك لحاجات تانية أو ناس تانيين على فشلك مش هيخليك تتقدم ومش هيحل حاجة، بالعكس إنت لازم تبدأ تلوم نفسك، وتشوف إيه غلط فيك وتغيره.

* *

– إشغل نفسك بالكلام عن أفكارك بدل النميمة والكلام ع الناس:

الناجحين بيتكلموا عن افكارهم الجديدة وبيناقشوها بدل ما بيشغلوا نفسهم بالكلام عن الناس وعن زمايلهم في الشغل، كلامك عن افكارك كتير هيخليك تجمع آراء تنفعك، لكن إنشغالك بالناس وقصصهم مش هيوديك في حتة.

* *

– مشاركة المعرفة بدل البخل في توصيلها:

زي ما قولت #ساعد_الناس_تنجح_إنت_هتنجح ، ما تبخلش بمعلومة وإبعد عن الأنانية، لو نفعتك دلوقتي، مش هتنفعك بعدين.

* *

– إدي الناس حقها بدل ما تنسب نجاحهم لنفسك:

في شغلك وفي فريقك، إنسى “أنا” وخليها “إحنا”، نجاح فريقك من نجاحك، إديهم فرصة يظهروا، الفرصة هتخليهم يبدعوا أكتر.

* *

– الحرص على التغيير والتطور بدل الجمود:

قائد الفريق الناجح حريص على التغيير وعنده مرونة وبيناقش الأفكار، وما بيكونش حريص على تغيير نفسه بس، لا كمان بيبقى عايز يغير ويطور فريقه معاه، المكسب المادي مهم جدا بس من غير تنمية الناس اللي شغالين مش هيحصل.

* *

– أشكر الناس بدل ما تتجاهل مجهودهم:

التقدير مش هيخسرك كتير ولا حاجة، التقدير هيشجع اللي حواليك يبذلوا أقصى جهدهم لنجاح شركتك/فكرتك، وهيبقوا عارفين غن لو فكرتهم تستحقه يلاقو تقدير مناسب وده هيخليهم يبدعوا طول الوقت.

المقال كامل على موقع هافينغتون بوست عربي 

http://www.huffpostarabi.com/waleed-taha/-_5664_b_10102878.html

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s