كل ما تكلم حد ع النجاح والتعب والإصرار وعدم الاستسلام أو تقوله لازم تكون متميز ومبتكر علشان تنجح “يضحك عليك”، ويقولك كلام التنمية البشرية ده ما بيجيبش همه.. المهم الفلوس والواسطة والمعارف.

السنة اللي فاتت بنت أردنية إسمها نينا مفلح كان نفسها تشتغل في Airbnb.com (ببساطة شركة تقدر من خلالها تعرض شقتك أو أوضة في شقتك للإيجار وحققت نجتح كبير جداً جداً جداً.. تلاتة جداً)، المهم البنت دي حاولت كتير قوي، كلمت الشركة وقدمت على وظايف متاحة ومفيش فايدة زي ما الناس “العاديين” بيقولوا “حظها كده”.

نينا قررت تعمل حاجة مختلفة، حجزت دومين بإسمها http://nina4airbnb.com/ ، وعملت عليه حاجة أثبتت للشركة إنها “تستاهل” تشتغل وإن الشركة لو ما شغلتهاش “هتخسرها”

نينا مكتبتش عن صولاتها وجولاتها وخبراتها، أصلا مجابتش سيرة الموضوع ده خالص، دي عملت حاجة مختلفة تماماً… إعتمدت على خبرتها في التسويق وكتبت تقرير عن الشركة وليه لازم الشركة تبتدي تفتح سوق في الشرق الأوسط، وعملت إحصاءات صغيرة وتحليل لكل حاجة قدرت توصلها.. وقالت بصراحة إنها عايزة تشتغل في الشركة دي.

نشرت التقرير على تويتر،

@joebot also, new report i did on @Airbnb’s potential impact in the middle east. take a look: http://www.nina4airbnb.com #AirbnbME

والملكة نور شافت الموقع وعجبها وكتبت التويت دي:

Proud to see such creativity from an ambitious Jordanian. @Bchesky you’re missing out if you don’t hire her http://bit.ly/1HNJFVA #airbnbME

الملكة نور عملت منشن للمدير التنفيذي لشركة Airbnb اللي رد بتويت تانية قال فيها:

@ninamufleh I am reviewing right now. Very impressive

وكمان عملت منشن لمدير العمليات في الشركة اللي رد على نينا وقال:

Ok. You floored me with this brilliance. We’ll set something up for us to meet.

I love your smarts. Very much.

وحددولها ميعاد … وراحت قابلتهم… معرفش هي اشتغلت معاهم ولا لأ .. بس بس هي دلوقتي Marketing في موقع إسمه Upwork .

المهم يعني..

لو عايز حاجة بجد هتعملها… لو حاجتك للنجاح زي حاجتك للأكل والشرب .. هتنجح.

في فيلم The Pursuit of Happyness قال لإبنه: “Don’t ever let someone tell you you can’t do something”. وهنري فورد قال “Whether you think you can, or you think you can’t–you’re right”.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s