مبحبش المسلسلات الأجنبية، مملة جدا وأنا بحب الحاجات اللي بتخلص في ساعة دي، لكن المسلسل بيمط الأحداث وبعد حلقتين مبعرفش أكمل.

سمعت الكام كلمة دول من ناس كتير قوي، عايز أقولهم #ميصحش_كده ، المسلسلات دي كأنك “بتتفرج على كتاب” بالظبط كده، لما الرواية بتتحول لفيلم، المخرج بيضطر يقطع ويغير منها علشان الوقت والسياق الدرامي والاعتبارات الكوميرشالية، لكن المسلسل، إنت بتتفرج على كل تفصيلة قريتها بالعكس ساعات مؤلفين بيزودوا حاجات في المسلسلات مش موجودة في الكتاب.

المهم أنا هحاول في النوت دي أجمع أكبر عدد من المسلسلات اللي عجبتني وتابعتها فيها منها خلصتها، وفيه منها لسه، وفيها منها لسه شغالة، كل مسلسل هكتب تحته حاجة عنه يمكن تساعد وتديكوا فكرة عن قصته.

1- LOST

lost.jpg

بدات أتفرج عليه بعد ما كان خلص، وإتفرجت على كل مواسمه في شهرين تقريبا، كل يوم كنت بتفرج عليه وساعات اعيد حلقات من حلاوة التسلسل.

طيارة وقعت في جزيرة، اللي مات مات، واللي عاش عاش، اللي عاش مهمته إنه يفضل عايش في وسط الحاجات الغريبة اللي بتحصل ووسط الأهواء وخلفيات الشخصيات اللي هتعرفوها وإنتوا بتتفرجوا.

Lost-season1.jpg

المسلسل جامد جدا وسير أحداثه قوي يكفي إن الـRate  بتاعه 8.4 على IMDb، بس نهايته مش هتعجب الكل، هو 6 مواسم بدأ في 2004 وخلص 2010، المسلسل إترشح لـ”مئات” الجوايز

2- Breaking Bad

Breaking-Bad.jpg

من أول حلقة كان تعليقي إن اللي بيحصل ده “Too Much for one man”، مدرس كيميا عبقري حالته المادية على قدها قوي، عنده ولد كبير من ذوي الاحتياجات الخاصة ومراته حامل، فجأة هيكتشف إن عنده سرطان، وطبعا مش هيقدر يغطي تكاليف العلاج، فهيقرر يستغل موهبته في إنه “يصنع” مخدر الـ”ميثافيتامين” أو METH، علشان يعمل فلوس تفضل لعيلته لما يموت، ويتحول من راجل غلبان قوي، لحاجة تانية خالص أبعد ما تكون عن الشخصية اللي إنت شوفتها في أول حلقة.

breaking-bad-1.jpg

تحول والتر وايت من مدرس كيميا لمنتج أحسن نوع “ميث” صاحبها تغيرات كتير قوي، المسلسل عارض كل تفصيلة لدرجة إنك هتشوف التطور ده طبيعي جدا، وهتكره والتر وايت مع اللي يكرهوه وهتتعاطف معاه قوي في أوقات كتير. المسلسل تقييمه 9.5 على IMDb.

3- Game of Thrones

gematruna.jpg

المسلسل الأسطوري الملحمي العظيم الجامد قوي اللي محدش يوقعه، حاجة كده ما اتعملتش ومش هتتكرر، المسلسل عن صراع 7 ممالك للسيطرة ع الـ Iron Throne.. المهم إنك وإنت بتتفرج ما تتعلقش بشخصية وتقول عليها “المُنقذ” علشان المسلسل ده مفيهوش حد كبير ع الموت، فجأة من غير مقدمات أجمد واحد في الموسم هيروح، تقييمه 9.5  على IMDb  زي Breaking Bad .

Game-of-Thrones-Characters_01.jpg

المسلسل مش مناسب للأطفال واللي حيائهم بيتخدش.

4- The Wire

the-wire-1o-THE-WIRE-DICKENS-facebook

خمس مواسم عن جهود الشرطة الأمريكية في مكافحة المخدرات في بالتيمور، المسلسل حلو قوي وكل موسم فيه حكاية جديدة وصراعات جديدة بين العائلات والشرطة، ومع إنه من إنتاج 2002 بس لغاية النهاردة الـRate  بتاعه 9.4.

5- The Sopranos

Sopranos-The-H-1920x1080.jpg

لو بتحب أفلام “المافيا” يبقى مكانك المسلسل العظيم ده، كفاية قوي إنه من إنتاج 99 ومع ذلك لسه تقييمه 9.2.

sopranos.jpg

المسلسل عن توني سوبرانو اللي بيحاول يوازن بين عيلته وبين شغله في المافيا و”عيلة المافيا” اللي مسيطر عليها، فيه كل حاجة ساعات تحس إنك بتتفرج على مسلسل إجتماعي، وأوقات رومانسي، فجأة يبقى أكشن دموي من الدرجة الأولى.

6- House of Cards

House-of-Cards (1).jpg

المفروض لما ييجيوا يقولوا اسم المسلسل ده تشتغل الموسيقى التصويرية بتاعت فيلم The Good, the Bad and the Ugly.

House-of-Cards.jpg

تخيل إنك هتعيش اللي عايشه سياسي أمريكي جشع، دموي، ذكي جدا ومستعد يعمل أي حاجة هو ومراته، إنت مش هتبقى عايش اللي هو عايشه بس، لا .. إنت هتبقى عايش جوا دماغه. وكفاية إن اللي عامل دوره هو العبقري كيفن سبيسي. التقييم بتاع المسلسل 9. نزل منه 5 مواسم بحالهم.

7- Dexter

dexter_1310284_616.jpg

قاتل متسلسل، بيقتل ضحاياه بأبشع الطرق، بس هتحبوه وتتعاطفوا معاه وهتتفهموا هو بيعمل كده ليه وساعات وإنتوا بتتفرجوا هتقولوا هاتوا “ديكستر” لإبن الجزمة ده يربيه.

have_a_killer_day.jpg

ديكستر شغال مع الشرطة الصبح بيحلل مسرح الجريمة، وبالليل “سفاح” بمعنى الكلمة، المسلسل إنتاج 2006 ومن كتر نجاحه استمر لـ8 مواسم ولسه تقييمه 8.8 لغاية النهاردة.

9- Sons of Anarchy

1238.jpg

7 مواسم… 90 حلقة … عايش في قلب نادي “دراجين” (اللي بيركبوا موتوسيكلات يعني) خارجين عن القانون بيحاولوا يحموا شغلهم والمكان اللي عايشين فيه، والشخصية الرئيسة في المسلسل، بيحاول يوازن بين حياته العادية وحياته في العصابة.

SOA_SLIDER_S7_JAX.jpg

لو عايز تعرف الناس دول عايشين إزاي، إعتبر المسلسل “وثائقي” بيعرفك ع المجتمع ده أكتر.المسلسل إنتاج 2008 وتقييمه 8.6.

10- Boardwalk Empire

982903-boardwalk-empire.jpg

مسلسل تاني عن فساد السياسيين، بس المرة دي في العشرينات لما إتحظرت المشروبات الكحولية والمخدرات، المسلسل بيتكلم عن إمبراطورية Enoch L. Johnson السياسي اللي سيطر على أتلانتيك سيتي ونيو جيرسي، وفي نفس الوقت كان بيدير نوادي قمار وشبكات دعارة، المسلسل إنتاج 2010 وتقييمه 2010.

boardwalk-empire-season-three-steve-buscemi.jpg

11- The Walking Dead

season-5-walking-dead-promo-poster1.jpg

مش عارف إزاي المسلسل ده واخد تقييم 8.6، حرام أصلا يتقيم أو المفروض يعملوله تقييم من 20 مثلا علشان ياخد 19، كل حاجة بقى، قصة، إخراج، تمثيل، مؤثرات، مزيكا، قصص صغيرة في النص كده، شخصيات مبنية كويس قوي، تطور الشخصيات أصلا مش ممكن يتعمل تاني في أي مسلسل.

the-walking-dead-6-temporada-parte-2-portraits-ew-capa

المسلسل بيحيكي عن الـ zombie apocalypse ومجموعة من الناجين ورحلتهم على أمل يلاقوا ملجأ يحميهم أو علاج للي حصل للبشر، المجموعة هتعاني ولسه بتعاني لإن المسلسل لسه مخلصش، بقاله 6 مواسم والسابع جاي في الطريق.

وإنت بتتفرج، هتشوف قد إيه البني آدم أخطر من الزومبي ع البشرية، وقد إيه البني آدم مستعد يعمل أي حاجة علشان يعيش، فيه بيعمل كده بأنانية وفيه بيعمل كده في وسط الجماعة.

أنا شايف المسلسل تحقيق لجملة الجوكر في The Dark Knight  “البشر جيدون طالما عاشوا آمنين في هذا العالم، لكن عندما يتعرض هؤلاء المتحضرون للخطر، سيأكلون بعضهم”.

12- Luther

LUTHER_velika.jpg

إعتبروه “يوميات محقق إنجليزي مش طايق دبان وشه”، المسلسل من بطولة إدريس ألبا في دور لوثر، وأحلى حاجة فيه إنه مش زي كل المسلسلات البوليسية، اللي بتعتمد على كل يوم قصة شكل وشكرا، لا في المسلسل ده فيه خطين، خط عن حياة لوثر نفسه وتأثيرها على قضاياه، وجريمة بتتحل في حلقة أو إتنين أو تلاتة .. على حسب بقى. المسلسل تقييمه 8.6.

13 – Arrow

why-arrow-is-not-a-green-arrow-tv-show-arrow-season-3-poster-jpeg-249567.jpg

لو بتحب الـSuper-Heroes والشغل ده، يبقى هتعيش مع أوليفر كوين، الشاب اللي كان مقضيها لدرجة إنه طلع رحلة في يخت مع أبوه ومعاه أخت صاحبته (فاجروقادر)، ولما المركب غرق وكل اللي عليه ماتوا إلا هو، غاب 5 سنين وفجأة ظهر تاني ورجع بلده، بس واحد تاني، مش هو أوليفر كوين اللي الناس تعرفه.

arrow0.jpg

المسلسل قايم على فكرة المشكلة اللي بتتحل على حلقة وحلقتين، بس كلهم متصلين باللي حصل لأوليفر في الـ5 سنين. تقييمه 8 والموسم الخاملس جاي في 2017.

14-  The Following

The-Following-Kevin-Bacon1.jpg

للمرة التالتة هتحب “سفاح” (أول مرة هانيبال والتانية ديكستر).. أولا لإن اللي قايم بدروه العالمي كيفن بيكون، وثانيا علشان المسلسل ده بيفرض إن فيه قاتل متسلسل عبقري جمع 300 قاتل متسلسل عايشين في أمريكا، وبيتحكم فيهم. فكرة مجاتش على دماغ مخرج فيلم SAW.

dc3e2d1f4fc3ab6ee0f9ece7b050.jpeg

المسلسل تقييمه 7.5 وفيه منه 3 مواسم.

15- The 100

the-100-tv-show-season-2-octavia-WNyKmpy.jpg

إنفجار نووي كبير حصل ع الأرض دمر كل أشكال الحياة، لكن مجموعة من البشر هربوا على سفينة فضاء كبيرة جدا وعاشوا عليها 97 سنة، تحت قوانين صارمة جدا منها مفيش حد يجيب عيال.

The-100-season-2-episode-7-Indra-Lexa.jpg

فجأة حصل مشكلة تتطلب إنهم يبعتوا شباب للأرض علشان يستكشفوها من جديد ويعرفوا إذا كان ممكن البشر يستطونوا الأرض تاني ولا لأ… بس لما وصلوا الأرض… الموضوع مش زي ما أتوقعوه!

pic_4105188.jpg

عجبني جدا المسلسل ده.. وتابعته ومستني الموسم الجديد .. تقييمه 7.9.

16- Revolution

REVOLUTIONPROMO2.jpg

فجأة وبدون أي مقدمات.. الكهربا قطعت على كوكب الأرض.. مش بس كده، ده مفيش أي بطارية بتشتغل مهما كانت مشحونة، زي ما يكون الكهربا ماتت.

70241953.jpg

وده بقى أدى إلى إن يحصل تسيب جامد قوي، وكل جماعة بدأوا يعملوا مجتمع على قدهم، لكن اللي طموحهم أكبر عملوا دول جديدة، والدول دي بدأت تتحارب “تاني”.

وفي نفس الوقت فيه مجموعة بيحاولوا يحلوا لغز الكهربا اللي فجأة قررت تقطع. المسلسل حلو قوي بصراحة وتقييمه كان عالي، لكن فجأة نزل فأتوقف.. لكنه بدأ يعلى تاني في التقييم، والمنتجين بيفكروا يرجعوه.

17 – Narcos
قصة الراجل اللي جنن كولومبيا وأمريكا في وقت واحد، اللي قتل مئات بس علشان يحمي نفسه وعيلته وتجارته، قصة بابلو أسكوبار من أكبر تجار المخدرات في التاريخ، الراجل اللي حكم ع الحكومة تبنيله سجن مخصوص، واتصور قدرام البيت الأبيض وهو على رأس قائمة المطلوبين. تقييم المسلسل 9.

narcos_large

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s