ومابين ولد صغير فى المحل بيعمل أى هبل ( شغال واجب يعنى عشان ابوه ) لمساعد بياع ، لبياع قد الدنيا كبرت فى وسط البلد وشوفت كتير قوي ، شوفت مصر من جوة.

شوفت الناس اللى بيشتغلوا 18 ساعة وأكتر عشان بيوتهم وشوفت البنات اللى بيخلصوا شغل الساعة 1 بالليل وتروح منطقتها الجميلة الساعة 2 وشوفت أصحاب المحلات اللى بيستغلوا حاجة الناس عشان يدوسوا عليهم، شوفت الناس اللى مبادئهم عيرة، واللى صوتهم عيرة،شوفت اللى بيصلي وراه ناس ويخلص صلاة عشان يطلع يعمل ( جرد فى المخزن ) مع البنات، واللى أصلا مالوش أصل وبيشتري أصل عشان يحس إنه بني آدم، أنا قعدت لغاية ما كنت مدير لأكتر من محل ، قعدت سنين يعنى وشوفت كتير قوي،  !!!!


صاحب المحل يحكم ع البنت تقعد للساعة 3 بالليل عشان تساعد فى ( رص الفاترينة ) عافية كده واللى مش عاجبها ما تجيش تاني، عاجبك ولا مش عاجبك ؟ هي دي الطريقة ده غير الألفاظ اللى مجبرة تسمعها وغير الإستهبال If You know what  mean .

فيلم عمارة يعقوبيان ما كدبش وما جابش من برة اللى حصل فيه بيحصل كل يوم فى وسط البلد.


الفترة بتاعت مصر اللى بتكلم علها دي من 1986 – 2008 الفترة اللى عيشتها هناك وطبعا أثرت عليا وعلى شخصيتى أنا من روض الفرج وعيشت فى حلوان ، يعني ( شيعبي ) جدا، مش عشان كده أنا بكتب بالعامية أنا بكتب بالعامية عشان بحبها، العامية المصرية مفيش زيها عشان كده إخترتها للكتابة لما بكتب عربي فصحي بحس إنى بمثل بس ما بحبش الفرانكو ( حسبي الله ) مش عارف بتكتبوه إزاي .


إشتغلت فيها فى المجال ده .. وبعدين إتنقلت وغيرت الموضوع خالص ما بين Sales  لـ HR لـ Photographer  (ده غير في النص كده ما يمنعش سباك على نجار على ألوميتال) يعني تقريبا أخدت الـ 23  سنة دعك فى مصر بتقلي فى ( القلاية ) كل يوم ما بين زحمة ومواصلات ومترو وشغل 18-20 ساعة.

المهم، إن الفترة دي قابلت فيها ناس كتير قوي، كل الفئات والأعمار والمناصب إتعاملت مع كل الطبقات الخبرة كانت كويسة، بس تعبت قوي مش عايز اقول كافحت لإن فيه ناس كتير تعبوا فى حياتهم قدي مليون مرة ، بس عملت اللى أقدر عليه ومع ذلك ما نفعش فى مصر .

عن العبد لله 01
http://welshzone.blogspot.ae/2015/03/01.html

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s