1- http://welshzone.blogspot.ae/2013/12/1_26.html
2- http://welshzone.blogspot.ae/2013/12/2_26.html
3- http://welshzone.blogspot.ae/2013/12/1-2.html
4- http://welshzone.blogspot.ae/2013/12/4_26.html
5- http://welshzone.blogspot.ae/2013/12/5_26.html
6- http://welshzone.blogspot.ae/2013/12/1-httpwelshzone.html
7- http://welshzone.blogspot.ae/2013/12/7_29.html

8- http://welshzone.blogspot.ae/2014/02/8.html
9- http://welshzone.blogspot.ae/2014/03/blog-post.html

لما نقلت دبي مكنتش أعرف حدد خااااااااااااالص بقي .. غير الناس اللى أعرفهم أونلاين عن طريق الجروب اللى قولتلكم عليه فى -9- معرفش حد خالص لغاية ما شوفت واحد بيعلق هناك ( رخم ) زي بالظبط وإتصاحبنا .. وبقينا نغني ونرد على بعض فى التعليقات رخامة عليهم 😀 وطبعا ماكانش عاجبنا الحال ع الجروب ده ، أولا لإنه فى أبو ظبي وكل حاجة معمولة هناك وثانيا طريقة إدارة كانت عاملة زي البلاد الأفريقية اللى يصحي بدري يحكم .. 

لغاية فى مرة قفلوا الوول .. روحنا مقررين أنا هو نعمل صفحة للمصريين فى دبي ، يالا يا مالحي نعمل صفحة .. يالا يامعلم .. وعملنا الصفحة .. وبدأت رحلة إستكشاف المصريين فى الغربة من جديد ، ومن أول يوم فى الصفحة لغاية النهاردة بقول اللى يقولك المصريين وحشين مع بعض فى الغربة .. حطله الصفحة دي فى ……… عينه 🙂 .
طبعا مش 100% كله كويس وملايكة فيه ناس ماتتعاملش .. ودول موجودين وكتير .. زي مثلا حصل  موقف معايا ، كنت بدور على سكن .. المهم لقيت سكن كويس قوي فى تي كوم .. إتصلت عرفت إن اللى بيتكلم مصري من الـ ( ألو ) روحت مكلمه مصري .
-هو : ألو!
– أنا : ألو صباح الخير ، كان فيه إعلان لستوديو فى تي كوم ، ممكن آجي أتفرج عليه ؟
– هو : والله آسف .. ده إتأجر!
– أنا : بس الإعلان موجود !!
– هو إتأجر .. آسف معلش !
– أنا : شكرا .. سلام.

أستريح أنا ؟ لأ طبعا 🙂 روحت مكلمه من التليفون التاني .. المرة دي إنجليزي مع  Mancunian Accent
– أنا : Hi, Morning
– أنا :  am callin’ regarding your ads, is it available ؟
– هو : YES SURE AVAILABLE
– أنا : You sure ؟
– أنا : ولما هو ( أفيلبووول ) يا معلم قولتلي إتأجر ليه ؟ ولا لازم تبقي واطي .. &*$^@#ّ!!^!)##($)#&#%#^$&@^$@$ والسكة طبعا قفلت ( على ) وشه !

ده عينة من البني آدمين اللى بنقابلهم هنا ، حد يقوللى تلاقيه حصله موقف .. الـ 90 مليون مش شبه بعض .. مش هتحكم على جنس بحاله بسبب واحد، ماهو لو كل جنسية واحد منهم قل معاك .. هتروح تقعد فى التبت .

وقالبت بعدها كتير زيه وأوطي شوية كمان 🙂 .. بس قدام ده واللى زيه .. قابلت رجالة بجد .. مش هكتب أسماء .. عشان محدش يزعل .. بس الناس دول اللى هم أصحابي دلوقتي .. محدش فينا عايز حاجة م التاني .. محدش فينا مستني حاجة م التاني .. مفيش مصلحة دايرة بيننا .. هو بس إحنا أصحاب .. اللى يقول ( أي ) تليفونه ما بيسكتش .. كل الناس بيتطمنوا عليه وبيسألوا عليه .. غير اللى بيروحله .. وغير وغير .. أفتكر المالحي ما كنناش أصلا إتقابلنا ليه … وإختفيت يومين .. ولما رجعت أونلاين بيقولى إيه فينك فقولتله تعبان شوية .. ضهري واجعني .. قاللى طيب أنا هجيبلك علاج كويس وأجيلك 🙂 .. هي دي بقي … اللى ما تخلكش تحكم على كل الناس إنهم وحشين بسبب واحد بس .. الحاجات الصغيرة دي اللى هي كبيرة قوي .. هي دي اللى إنت مستنيها من صاحبك .

أو حتي من واحد مصري فى الغربة معاك .. بس إنه يبقي جنبك .. لا إنت عايز منه يديك ولا يأكلك .. بس تبقي عارف إن فيه واحد منك .. جنبك .. هيسأل ويقولك ( عامل إيه دلوقتي ؟ ) ( عايز أى حاجة ؟ ) :))).
مش كل واحد بيسأل عليك ويقرب منك ( ولد/بنت ) يعني عايز حاجة منك ، يمكن عايز حد جنبه .. مش شرط إنت .. أى حد ..
حتي لو اللى عايزك جنبه ده من الناس التانيين .. مش لازم يكون قصده يتجوزك  أو ميت فى أصولك الرومانية أو مناخيرك اللى شبه جورج كولوني .. لا عادي عايز/ة حد جنبه ياعم .. ….. المرة الجاية نرغي فى الحوار ده …

🙂

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s